რეგისტრაციის აკრძალვამ იმ ავტომობილებისა, რომლებსაც საჭე მარჯვენა მხარეს აქვთ, რეალიზაცია მინიმუმამდე დაიყვანა. ავტომობილების იმპორტი კი, რომლებსაც საჭე მარცხენა მხარეს აქვთ, საქართველოში 40%-იან ზღვარს გადასცდა.
ყველაზე დიდი ზარალი ამ რეგულაციის გამო ავტოდილერებმა განიცადეს.
“იაპონური, ანუ მარჯვენასაჭიანი ავტომობილები ხარისხითაც სჯობია ამერიკულს და გაცილებით ახალიც არის, ამიტომ ისინი ძალიან კარგად იყიდებოდა. ამჟამად რა ხდება? _ ბაზარზე მოიმატა ამერიკიდან შემოსული ავტომობილების რაოდენობამ, რომელთა 50%-ს საბუთში უწერია, რომ ეს არის “ჯუნკ”, ანუ ჯართი. ესე იგი, ჩვენ, ქართველები, მეჯართეები ვყოფილვართ _ შემოგვაქვს ჩამოწერილი, ჯართად ქცეული მაქანები და მერე ამ ჯართით დავდივართ”, _ განაცხადა ერთ-ერთმა დილერმა “ბიზნესპრესნიუსთან” საუბრისას.
