“მათ სხვადასხვა მოსაზრება ჰქონდათ ზოგიერთ კანდიდატზე, მაგრამ მაინც შეთანხმდნენ სირიის საკონსტიტუციო კომისიის შემადგენლობაზე”, _ განაცხადა ყაზახეთის საგარეო საქმეთა სამინისტროს აზიისა და აფრიკის დეპარტამენტის დირექტორმა მუკაშ სერიკულიმ.
მან არ გამორიცხა, რომ პროცესის დასრულების შესახებ განაცხადებენ სექტემბერში, როდესაც გაიმართება რუსეთის, თურქეთისა და ირანის შეხვედრა უმაღლეს დონეზე.
უფრო ადრე რუსეთისა და თურქეთის საგარეო საქმეთა მინისტრებმა: სერგეი ლავროვმა და მევლუდ ჩავუშოღლუმ განიხილეს საკონსტიტუციო კომისიის შექმნისა და მუშაობის დაწყების საკითხი.