ბელგიაში დასაქმებულები მიღებული შემოსავლის ნახევარზე მეტს გადასახადებში იხდიან. ამ მაჩვენებლით ბელგია იმ ქვეყნების სიის სათავეში მოხვდა, ომლებშიც დასაქმებულები ყველაზე მეტ გადასახადებს იხდიან, _ წერს forbes.ge.
ყველაზე მაღალი გადასახადი ხელფასით მიღებულ შემოსავალზე ბელგიაშია და ის 54%-ს შეადგენს. უნგრეთში ეს მაჩვენებელი 48,2%-ია, ხოლო იტალიაში _ 47,8%. ამ მაჩვენებელში შედის, როგორც საშემოსავლო გადასახადი, ასევე სოციალური უსაფრთხოების კონტრიბუციები. სოციალური უსაფრთხოების გადასახადის ნაწილს დასაქმებული, ნაწილს კი თავად დამსაქმებელი იხდის.
რაც შეეხება უშუალოდ საშემოსავლო გადასახადს, ის OECD-ის (ეკონომიკური თანამშრომლობისა და განვითარების ორგანიზაცია) ქვეყნებში ასეთია:
ბელგია _ 20,8%
შვეიცარია _10%
გერმანია _15,9%
ლუქსემბურგი _ 16,2%
ავსტრია _10,8%
ნიდერლანდები _ 15,2%
ნორვეგია _ 17,5%
საფრანგეთი _ 10,8%
ისლანდია _26,9%
შვედეთი _ 13,6%
ავსტრალია _23%
გაერთიანებული სამეფო _12,6%
ამერიკის შეერთებული შტატები _ 16,9%
საბერძნეთი _ 7,7%
პორტუგალია _13,4%
ესტონეთი _12,5%
უნგრეთი _ 11,7%
პოლონეთი _ 6,1%
ლატვია _15%
საქართველოში საშემოსავლო გადასახადი 20%-ია. ხელფასად გაცემული ანაზღაურება ქვეყნაში მხოლოდ 20%-იანი განაკვეთით იბეგრება და დასაქმებულები, რომელთა ანაზღაურებაც წლიურად 40 ათას ლარზე ნაკლებია, სხვა სახის გადასახადს არ იხდიან.
ყველაზე დაბალი განაკვეთით (საშემოსავლო და სოციალური უსაფრთხოების გადასახადი) ხელფასის სახით მიღებული ანაზღაურება OECD -ის წევრი ქვეყნებიდან ჩილეში იბეგრება და ის მხოლოდ 7%-ს შეადგენს. მას მოსდევს ახალი ზელანდია 17,9%-ით, მექსიკა 20,1%-ით და შვეიცარია 21,8%-ით.
