დიახ, ქართველი ხალხის ისტორიული გამარჯვებაა ის, რაც 5 და 6 ივლისს ვიხილეთ; მე, ისტორიკოს–პოლიტოლოგი, ასე ვთვლი. სიმართლის მოძღვარმა გაზეთმა “საქართველო და მსოფლიომ” 7 ივლისის ნომერში ღირსეულად შეაფასა 5 ივლისს განვითარებული მოვლენა, რომელსაც თავის წერილში ბატონმა ბესო ბარბაქაძემ ხალხის მიერ ჩატარებული “უსიტყვო რეფერენდუმი” უწოდა. დიახ, ხალხმა და ეკლესიამ მედგრად და შეუპოვრად უთხრეს უარი პედერასტ–ლესბოსელთა თავგასულობას, ჩაშალა მათი ვაიმარში.
ძალა ერთობაში რომ არის, ეს ქართველმა ხალხმა 5 ივლისს ყველას აჩვენა. ამ დღეს არნახული ლუსტრაცია გაუკეთდა ყველას და ნათლად დავინახეთ, ვინ ვინ არის, ვინ რომელ ბარიკადზე დგას, ხალხის უმრავლესობის მხარეზეა თუ “ბილწთ ეკვრიან ზავითა” _ ან აშშ–დასავლეთს ჰმონებენ.
ხალხისა და ეკლესიის ძალამ და შეუდრეკელობამ აიძულა “ოცნების” ხელისუფალნი, მიჰყოლოდნენ მძლავრ დინებას, კერძოდ, პრემიერმა ირაკლი ღარიბაშვილმა პედერასტებს ურჩია, არ გაემართათ თავიანთი მარში რუსთაველის პროსპექტზე, ამით “ოცნების” პარტიამ თავი დააღწია იმ დიდ დარტყმასა და რისხვას, რომელსაც მოახლოებულ ადგილობრივ არჩევნებში ხალხისაგან მიიღებდა.
* 5 ივლისმა, მომავალი ადგილობრივი არჩევნების წინ შავ დღეში ჩააგდო ის 15 პოლიტიკური პარტია, რომლებიც პედერასტთა მიერ გასამართ ვაიმარშს მხარს უჭერდნენ.
* 5 ივლისს ხალხისა და ეკლესიის უდიდესი ძალისხმევის შედეგად ქართულმა ეროვნულმა ღირსებამ, მეობა-იდენტურობამ გაიმარჯვა; ამაშია 5 ივლისის, როგორც დღის, ისტორიული მნიშვნელობა.
* 5 ივლისი ბოღმა-ცილისწამებით შეამკეს გადაგვარებულმა ქართველებმა; უკადრებელი იკადრეს ვაიევროპელმა გიორგი ვაშაძემ, პარლამენტარმა ხათუნა სამანიძემ და სხვებმა.
* 5 ივლისს უმტკივნეულოდ არ ჩაუვლია _ ჟურნალისტთა ერთი ჯგუფი დაშავდა, შექმნილ სიტუაციაში მათ უფრო თავდაჭერილად უნდა ემუშავათ.
ვიცი, აშშ-დასავლეთის მიერ გამოკვებილ-დამონებული მედია-საშუალებები შეეცდებიან, მიჩქმალონ, დააკნინონ 5 ივლისი, თითქოს განსაკუთრებული არაფერი მომხდარა.
ამასთანავე, ისიც ვიცი, რომ არსებობს ყველაზე ობიექტური გაზეთი “საქართველო და მსოფლიო”, რომელიც 5 ივლისს ყოველთვის ჯეროვან ადგილს მიუჩენს.
5 ივლისს _ ისტორიული დღის _ გამარჯვებას გილოცავთ თქვენ, ამ გამარჯვების შემოქმედო ჩემო საყვარელო ქართველო ხალხო! მარადიულობა თქვენ!
უღრმესი პატივისცემით,
გივი გურეშიძე,
ისტორიულ მეცნიერებათა დოქტორი, პოლიტოლოგი ქუთაისიდან
