ბოლო გამოკვლევის შედეგებმა აჩვენა, რომ ფინეთის მოსახლეობის მხოლოდ მეოთხედი უჭერს მხარს ნატოში შესვლის იდეას, 50%-ზე მეტი კი წინააღმდეგია.
ფინეთის მოსახლეობის ნახევარზე მეტი ჩრდილოატლანტიკურ ალიანსში ქვეყნის შესვლის წინააღმდეგია. ამას მოწმობს 3 გამოცემის _ Maaseudun Tulevaisuus-ის, Verkkouutiset-ისა და Hufvudstadbladet-ის _ ივნისში შეკვეთით ჩატარებული გამოკითხვის შედეგები.
ამ სტატისტიკური მონაცემების მიხედვით, ნატოს წევრობის წინააღმდეგია ფინელების 51%. ამ საკითხისადმი ყველაზე ნეგატიურად არის განწყობილი ფინელი მემარცხენეების კავშირი, რომელთა შორისაც ნატოს წევრობის წინააღმდეგია 69%.
ჩრდილოატლანტიკურ ალიანსში შესვლის მსურველები კი არიან კოალიციური პარტიის მომხრეები, რომელთა 57% მხარს უჭერს საკითხის დადებითად გადაწყვეტას.
სულ კი ფინელთა შორის ნატოში შესვლის მომხრე მხოლოდ 26%-ია.