“ბევრი მაღალკვალიფიციური უკრაინელი სპეციალისტი რუსეთში მიემგზავრება. რუსეთი კი სიამოვნებით იღებს უკრაინელ კონსტრუქტორებს, მფრინავებს და მათ სამუშაოსა და მოქალაქეობას აძლევს”, _ განაცხადა ექსდეპუტატმა, ტრანსპორტისა და კავშირგაბმულობის ყოფილმა მინისტრმა ევგენი ჩერვონენკომ არხ Newsone–ს ეთერში.
ჩერვონენკომ დასძინა, რომ უკრაინაში გაუქმდა საპენსიო შეღავათები მფრინავი-გამომცდელებისთვის და ისინი ახლა დაახლოებით 370 დოლარს იღებენ (გრივნებში _ ნ.კ.). არადა, არიან უამრავი მსოფლიო რეკორდის ავტორები.
თავის მხრივ, უკრაინის პარლამენტის ექსდეპუტატმა და ინტერპოლის უკრაინის ბიუროს ყოფილმა ხელმძღვანელმა არხ “ნაშ”-ის ეთერში განაცხადა, რომ უკრაინის სამხედრო-სამრეწველო კომპლექსის სხვა თანამშრომლებიც მიდიან რუსეთსა და დსთ-ს სხვა ქვეყნებში სამუშაოდ.
მოამზადა ნიკა კორინთელმა
