უკრაინაში პუტინზე თავდასხმის მზადებაში ეჭვმიტანილის, ადამ ოსმაევის ავტმობილს ცეცხლი გაუხსნეს. შედეგად ოსამაევი დაიჭრა, მისი ცოლი ამინა ოკუევა კი დაიღუპა.
ამის შესახებ Facebook-ზე უკრაინის შინაგან საქმეთა მინისტრის მრჩეველმა ანტონ გერაშენკომ დაწერა.
გერაშენკოს თქმით, შემთხვევა კიევთან ახლოს მოხდა. ადგილზე სამართალდამცველები მუშაობენ.
ოსმაევსა და მის ცოლზე თავდასხმა მიმდინარე წლის ივნისშიც მოხდა. ოსმაევი 2012 წლის თებერვალში ოდესაში უკრაინელმა სამართალდამცველებმა დააკავეს და ბრალად კორპუსის აფეთქებისთვის მზადება წაუყენეს. გამოძიება ასევე მას თანამზრახველებთან ერთად პრეზიდენტ ვალდიმერ პუტინზე თავდასხმის მომზადებას ედავდებოდა.
