ჩინეთის სახალხო რესპუბლიკის თავმჯდომარე სი ძინპინი ტელეფონით ესაუბრა გერმანიის, საფრანგეთისა და ესპანეთის ლიდერებს კორონავირუსის გავრცელების საფრთხის შესახებ, _ ნათქვამია 21 მარტს ჩინეთის საგარეო საქმეთა სამინისტროს მიერ გავრცელებულ განცხადებაში.
ჩინეთის ლიდერმა დახმარება შესთავაზა ევროპელ ლიდერებს ინფექციის წინააღმდეგ ბრძოლაში და ხაზი გაუსვა საერთო საფრთხის წინააღმდეგ ქვეყნების ძალისხმევის გაერთიანებას.
“ჩინეთი ერთგულია ერთიანი კაცობრიობის იდეის, რომელსაც ერთი ბედი აკავშირებს. ჩვენ მზად ვართ, გაგიზიაროთ გამოცდილება და ინფორმაცია”, _ ნათქვამია ჩინეთის საგარეო საქმეთა უწყების განცხადებაში.