საქართველოს ეროვნული სტატისტიკის სამსახუმა მშენებლობაზე გაცემული ნებართვებისა და ექსპლუატაციაში მიღებული ობიექტების სტატისტიკა გამოქვეყნა, რომლის თანახმადაც საქართველოში 2018 წლის იანვარ–ივნისში გაცემულია 4941 ნებართვა, რაც წინა წლის შესაბამის პერიოდთან შედარებით 1,4 პროცენტით ნაკლებია.
2018 წლის იანვარ-ივნისში ნებართვები გაიცა მრავალფუნქციური საცხოვრებელი კომპლექსების, სასტუმროების, სავაჭრო ობიექტების, სამრეწველო საწარმოების, სასოფლო-სამეურნეო დანიშნულების ობიექტებისა და სხვა შენობა – ნაგებობების მშენებლობაზე. გაცემულ ნებართვებში შედარებით მეტია მრავალფუნქციური საცხოვრებელი კომპლექსები.
გაცემული ნებართვების 72,4 პროცენტი ქვეყნის 3 რეგიონზეა. კერძოდ, 46.8 პროცენტი თბილისზე, 14.3 პროცენტი – აჭარის ა.რ.-ზე, ხოლო 11.3 პროცენტი – ქვემო ქართლის რეგიონზე.
