საქართველოს კათოლიკოს პატრიარქმა ილია მეორემ წერილი გაუგზავნა მოსკოვისა და სრულიად რუსეთის პატრიარქ კირილეს და მას 75 წლის შესრულება მიულოცა.
“კიდევ ერთხელ მსურს, გამოვხატო მადლიერება თქვენდამი და რუსეთის მართლმადიდებელი ეკლესიისადმი იმის გამო, რომ, პოლიტიკური ინტერესების მიუხედავად, მაგრამ საეკლესიო კანონების გათვალისწინებით, ოფიციალურად აღიარებთ ჩვენს ძირძველ მიწებს _ აფხაზეთსა და ცხინვალის რეგიონს _ საქართველოს მართლმადიდებელი ეკლესიის განუყოფელ ნაწილად. ჩვენი ხალხი და ჩვენც მადლობას გიხდით, აგრეთვე, იმის გამო, რომ არაერთხელ დაგვეხმარეთ ჩვენი მოქალაქეების გათავისუფლებაში, რომლებიც ტყვედ ჩავარდნენ დროებითი საზღვრის დარღვევის გამო”, _ ნათქვამია ილია II-ის წერილში.
ამასთანავე, საქართველოს კათოლიკოს-პატრიარქის თქმით, ჯერ კიდევ მოუგვარებელია რთული საკითხები, რომლებიც ქმნიან პრობლემებს!
“მაგრამ უკეთესი მომავლის იმედი ცოცხლობს და ჩვენი კეთილგანწყობა თქვენ მიმართ გულწრფელია”, _ ნათქვამია მისალოც წერილში.
eadaily.com–ზე გამოქვეყნებული მასალის მიხედვით მოამზადა
ლუკა მაისურაძემ