რუსეთ–საქართველოს საზღვრის აფხაზეთის მონაკვეთზე, საქართველოს მოქალაქე პრინტერზე ამობეჭდილი პასპორტით რუსეთში გადასვლის მცდელობის ფაქტზე დააკავეს.
ინფორმაციას სააგენტო ,,რია ნოვოსტი’’ ავრცელებს.
“მესაზღვრეებმა საქართველოს მოქალაქე ყალბი პასპორტით გადასვლის ფაქტზე დააკავეს. კაცი რუსეთში გადასვლას ყალბი პასპორტით ცდილობდა, რომლის რამდენიმე გვერდი პრინტერზე იყო ამობეჭდილი”, – ნათქვამია ინფორმაციაში.
სახელმწიფო საზღვრის დარღვევაში ეჭვმიტანილი სამგზავრო მატარებელში “სოხუმი-მოსკოვის” კონტროლის დროს დააკავეს. კაცმა ოფიცრებს რუსული პასპორტი წარუდგინა, რომელსაც რამდენიმე გვერდი აკლდა. პასპორტის სრული შემოწმების შემდეგ აღმოჩნდა, რომ პასპორტი ყალბი იყო და მისი მფლობელი იძებნებოდა.
დაკავებულივ ვინაობას არ ასახელებენ. საქმეზეგამოძიება მიმდინარეობს.
