საქართველოს მოქალაქეებზე, შესაძლოა, ყოველთვიურად 1 000 ერთეული სპეციალური საინვესტიციო ფული “ინვესტი” გაიცეს. ეს ინიციატივა დარგობრივი ეკონომიკისა და ეკონომიკური პოლიტიკის კომიტეტის სხდომაზე განიხილეს. საუბარია, 767 პირის მიერ წარდგენილ პეტიციაზე “საქართველოს ყოველი მოქალაქე ქვეყნის რეალურ მესაკუთრედ ვაქციოთ”.
დარგობრივი ეკონომიკისა და ეკონომიკური პოლიტიკის საპარლამენტო კომიტეტის თავმჯდომარე რომან კაკულიას თქმით, წარმოდგენილი თემა საინტერესოა და კომიტეტის გადაწყვეტილებით ის ეკონომიკის სამინისტროს გადაეგზავნება. კომიტეტი აღნიშნულ თემაზე მუშაობას სწორედ სამინისტროდან შემოსული მოსაზრებების გათვალისწინებით განაგრძობს.
შევეცდებით, ამ საკითხზე სპეციალისტების მოსაზრებები შემდეგ ნომერში შემოგთავაზოთ.