ოდესის ოლქის ყოფილი გუბერნატორი მიხეილ სააკაშვილი ამტკიცებდა, რომ დოკუმენტი გაქრა მაშინ, როცა მან პოლონეთ-უკრაინის საზღვარი გადაკვეთა და მას შემდეგ პეტრო პოროშენკოსთან ინახება. პასპორტი იპოვეს მისი თანამებრძოლის, სევერიან დანგაძის, კიევის ბინაში. ამის შესახებ ჟურნალისტებს უკრაინის გენერალურმა პროკურორმა იური ლუცენკომ აცნობა.
_ გუშინ სევერიან დანგაძის ბინაში, სადაც ჩხრეკა ჩატარდა, აღმოვაჩინეთ, გამოძიებისთვის საინტერესო მასალა და მათ შორის უკრაინის მოქალაქის _ მიხეილ სააკაშვილის პასპორტი, _ განაცხადა ლუცენკომ.
სააკაშვილი აცხადებდა, რომ მას პასპორტი უკრაინის პოლიციის თანამშრომელებმა მოპარეს. მეტიც: იგი ამტკიცებდა, რომ მისი პასპორტი პირადად უკრაინის პრეზიდენტ პოროშენკოს ჰქონდა შენახული.
