მოსკოვი და ოსლო მუშაობენ კავშირგაბმულობის პირდაპირი არხის შექმნაზე რუსეთისა და ნორვეგიის თავდაცვის სამინისტროებს შორის, _ განაცხადა რუსეთში ნორვეგიის ელჩმა რუნე რესალანმა ფედერაციის საბჭოს საერთაშორისო საქმეების კომიტეტის თავმჯდომარე კონსტანტინე კოსაჩევთან შეხვედრისას.
“როგორც ჩემთვის ცნობილია, ამჟამად განიხილება საკითხი კავშირგაბმულობის პირდაპირი არხის შესახებ რუსეთისა და ნორვეგიის თავდაცვის სამინისტროებს შორის”, _ განაცხადა რუნე რესალანმა.
25 ოქტომბერს რუსეთის საგარეო პოლიტიკური უწყების ხელმძღვანელმა სერგეი ლავროვმა ნორვეგიის ქალაქ კირკენესში საბჭოთა ჯარების მიერ აღმოსავლეთ ფინმარკის (ნორვეგიის ჩრდილოეთში მდებარე ადმინისტრაციულ-ტერიტორიული ერთეული) გათავისუფლების 75 წლის იუბილის გამო ვიზიტისას რუსეთ-ნორვეგიის საზღვარს ევროპაში ყველაზე მშვიდობიანი სასაზღვრო უბანი უწოდა.
