საქართველო-რუსეთს შორის სავაჭრო ბრუნვა გაიზარდა. საქსტატის მონაცემებით, თუ გასული წლის იანვარ-მაისში ქვეყნებს შორის სავაჭრო ბრუნვა 596,922 მლნ აშშ დოლარი იყო, 2022 წლის ანალოგიურ პერიოდში 764,198 მლნ აშშ დოლარი შეადგინა.
უფრო კონკრეტულად, მიმდინარე წლის 5 თვეში საქართველოდან რუსეთში 210,266 მლნ აშშ დოლარის პროდუქტი გავიდა, გასული წლის ანალოგიურ პერიოდში 202,718 მლნ აშშ დოლარის.
რაც შეეხება იმპორტს, 2022 წლის იანვარ-მაისში საქართველომ რუსეთისგან 553,931 მლნ აშშ დოლარის პროდუქტი შეიძინა, წინა წლის ანალოგიურ პერიოდში კი – 394,203 მლნ აშშ დოლარის.
„ბიზნესპრესნიუსი“ გთავაზობთ, ტოპ-10 პროდუქტს, რომელიც რუსეთიდან 2022 წლის 5 თვეში ყველაზე დიდი რაოდენობით შემოვიდა:
- ნავთობი და ნავთობპროდუქტები – 124,281 მლნ აშშ დოლარი
- ნავთობის აირები და აირისებრი ნახშირწყალბადები სხვა – 38,922 მლნ აშშ დოლარი
- კოქსი და ნახევარკოქსი ქვანახშირის, ლიგნიტის ან ტორფისაგან, ნახშირი რეტორტის – 22,772 მლნ აშშ დოლარი
- ფქვილი ხორბლის ან ხორბალ-ჭვავის – 22,446 მლნ აშშ დოლარი
- მარგარინი – 22,344 მლნ აშშ დოლარი
- ელექტროენერგია – 14,830 მლნ აშშ დოლარი
- ხორბალი და მესლინი – 12,696 მლნ აშშ დოლარი
- წნელები ნახშირბადიანი ფოლადისაგან, შემდგომი დამუშავების გარეშე – 11,802 მლნ აშშ დოლარი
- პური, ფქვილოვანი საკონდიტრო ნაწარმი, შაქარლამა, ნამცხვარი და სხვა პურფუნთუშეული – 10,423 მლნ აშშ დოლარი
- შოკოლადი და კაკაოს შემცველი კვების სხვა მზა პროდუქტები – 10,334 მლნ აშშ დოლარი
ტოპ-10 პროდუქტი, რომელიც 2022 წლის იანვარ-მაისში საქართველოდან რუსეთში გავიდა:
- ფეროშენადნობები – 79,355 მლნ აშშ დოლარი
- ყურძნის ნატურალური ღვინოები – 46,103 მლნ აშშ დოლარი
- მინერალური და მტკნარი წყლები – 16,980 მლნ აშშ დოლარი
- ეთილის სპირტი არადენატურირებული, სპირტის კონცენტრაციით 80%-ზე ნაკლები, სპირტიანი სასმელები – 9,876 მლნ აშშ დოლარი
- წყლები, მინერალურის და დაგაზიანებულის ჩათვლით, შაქრის დანამატების შემცველობით – 8,808 მლნ აშშ დოლარი
- მსუბუქი ავტომობილები – 7,407 მლნ აშშ დოლარი
- სიგარები, სიგარილები და სიგარეტები თამბაქოს ან მისი შემცვლელებისგან – 6,096 მლნ აშშ დოლარი
- ვაშლი, მსხალი და კომში, ახალი – 5,089 მლნ აშშ დოლარი
- ელექტრული წყალგამახურებლები – 3,726 მლნ აშშ დოლარი
- კარტოფილი, ახალი ან შეყინული – 2,902 მლნ აშშ დოლარი
