ბოლო წლებია, თბილისში თვალში საცემად მომრავლდნენ უცხოელები. მათი უმრავლესობა სტუდენტია.
საქართველოს სტატისტიკის ეროვნული სამსახურის მონაცემებით, ბაკალავრიატის, მაგისტრატურის, დიპლომირებული მედიკოსის (ვეტერინარის) რეზიდენტებისა და პროფესიულ პროგრამებში სულ ჩართულია 6 643 უცხოელი. კერძოდ, ბაკალავრიატის პროგრამაში _ 3822; მაგისტრატურა, დიპლომირებული მედიკოსის და რეზიდენტურის პროგრამებში _ 2805; პროფესიულ პროგრამაში _ 16, მათ შორის 1861 ქალია. ყველაზე მეტი უცხოელი ჯანდაცვისა და სოციალური უზრუნველყოფის სპეციალობებზე სწავლობს _ 3805 კაცი (1164 _ ბაკალავრიატზე, 2641 _ მაგისტრატურაზე, დიპლომირებული მედიკოსის პროგრამაზე, რეზიდენტურაზე); შემდეგ მოდის სოციალური მეცნიერებები: ბიზნესი და სამართალი _ სულ 2044 ახალგაზრდა. ყველაზე ცოტა უცხოელი სოფლის მეურნეობის სპეციალობებს ეუფლება _ 3 კაცი. სულ კი 2015_2016 წლებში საქართველოს სახელმწიფო უმაღლეს სასწავლო დაწესებულებებში 90 ათასი სტუდენტი სწავლობდა, კერძო სასწავლებლებში _ 42 ათასი.
ლუკა მაისურაძე
P.S. “ტერორიზმისა და პოლიტიკური ძალადობის კვლევის ცენტრის” დირექტორ ბადრი ნაჭყებიას განცხადებით, ერაყიდან _ 50, სირიიდან _ 28, ლიბიიდან 14, ხოლო ავღანეთიდან 1 პირი საქართველოს მოქალაქეობის მიღებას ითხოვს. 2015 წლის 1 მარტიდან 2017 წლის 1 მარტამდე კი 724 თურქმა მოითხოვა საქართველოს მოქალაქეობა; რუსეთიდან 6.280 მოქალაქე ითხოვს საქართველოს მოქალაქეობას; ასევე, 934 სომეხს სურს საქართველოს მოქალაქეობის მიღება; ინდოეთიდან 21 პირი ითხოვს საქართველოს მოქალაქეობას, ირანიდან _ 250, იორდანიიდან კი _ 35.
