რუსეთის პრეზიდენტმა ვლადიმერ პუტინმა წუხელ სტრატეგიული ბირთვული ძალების მართვის სწავლებებში მიიღო მონაწილეობა.
ამის შესახებ ინფორმაციას პრეზიდენტის პრესსპიკერი დიმიტრი პესკოვი ავრცელებს.
მისივე თქმით, პრეზიდენტმა პუტინმა ოთხი ბალისტიკური რაკეტის გაშვება განახორციელა.
„წვრთნების ფარგლებში ბალისტიკური რაკეტების, ჩრდილოეთისა და წყნარი ოკეანის სამხედრო ფლოტების წყალქვეშა გემებისა და სამხედრო კოსმოსური ძალების ურთიერთქმედებები დამუშავდა“, – განაცხადა პესკოვმა.
