ბრიტანელმა მომღერალმა ეიმი ენ დაფმა, რომელსაც `ახალ ემი უაინჰაუსს” ეძახდნენ, გადაწყვიტა საზოგადოებრიობისთვის ეამბნა ყველაფერი, რაც თავს გადახდა.
35 წლის პოპვარსკვლავი, რომელიც მუსიკალური სფეროდან რამდენიმე წლის წინათ გაქრა, თავის ვებგვერდზე მოგვითხრობს ამის მიზეზს. ის ბოროტმოქმედებმა გააბრუეს აკრძალული პრეპარატებით და გაიტაცეს. ჩასვეს თვითმფრინავში და რომელიღაც სასტუმროში მიიყვანეს. ნომერში მიჰყვა კაცი, რომელმაც ნამუსი აჰხადა ვარსკვლავს. მომღერალმა ის დღეც მოძალადესთან გაატარა და მასთან ერთად დაბრუნდა დიდ ბრიტანეთში. გაქცევაზე არც უფიქრია, რადგან ბოროტმოქმედი მოკვლით ემუქრებოდა. ბოლოს, როცა შეძლო ტყვეობისგან თავის დაღწევა, დაფიმ დაძლია შიში და მიმართა პოლიციას. გაუჭირდა, მაგრამ მაინც შეძლო დეპრესიისა და სუიციდის განხორციელებაზე ფიქრის დაძლევა. საბოლოოდ თავის ფსიქოლოგს გაუმხილა ყველაფერი. `ეჭვი მეპარება, რომ ოდესმე გავხდები ისეთი, როგორიც ვიყავი”, _ აღნიშნა მომღერალმა.
