გარემოს დაცვისა და სოფლის მეურნეობის მინისტრ ლევან დავითაშვილის განცხადებით, მომდევნო თვეების განმავლობაში სასურსათო პროდუქტების გაიაფებაა მოსალოდნელი. როგორც მინისტრმა განმარტა, საერთაშორისო ტენდენციისა და სეზონის გათვალისწინებით, ელოდება, რომ სურსათი გაიაფდება.
“დღეს, ფაქტობრივად, ყველა მნიშვნელოვანი პირველადი მოხმარების პროდუქტი თანდათან იაფდება, როგორიცაა შაქარი, ზეთი, მაკარონი და ა. შ. პერსპექტივაში ფასების დაცემას შემდეგი თვეების განმავლობაშიც ველოდებით. ესაა საერთაშორისო ტენდენცია და ამასთანავე, ჩვენთან უკვე შემოდის სეზონური ქართული პროდუქტი. ასე რომ, ინფლაციური წნეხი, რა თქმა უნდა, შემცირდება”, _ აღნიშნა მინისტრმა.