ვენესუელის ვიცეპრეზიდენტ დელსი როდრიგესის განცხადებით, ვენესუელის სახელმწიფოს მეთაურმა ნიკოლას მადურომ გადაწყვიტა, დახუროს სანავთობე კომპანია PDVSA-ს ლისაბონში მდებარე ოფისი და გადაიტანოს მოსკოვში.
ეს განცხადება როდრიგესმა რფ-ს საგარეო საქმეთა მინისტრ სერგეი ლავროვთან შეხვედრის შემდეგ საგანგებოდ გამართულ პრესკონფერენციაზე გააკეთა. მისი თქმით, ამ ზომის მიღება გამოწვეულია იმით, რომ ევროპა არ იძლევა აქტივების დაცვის გარანტიას. ამასთანავე, ოფისის რუსეთში გადატანა შეესაბამება კომპანიის გეგმებს, გააფართოოს თანამშრომლობა “როსნეფტსა” და “გაზპრომთან”.