12 თებერვალს იტალიის სენატმა სადეპუტატო ხელშეუხებლობა მოუხსნა მემარჯვენე პარტია ჩრდილოეთის ლიგის ლიდერ მატეო სალვინის.
პროცედურის დასრულების შემდეგ შს ყოფილი მინისტრი მატეო სალვინი სასამართლოს წინაშე ლტოლვილების მიმართ არაჰუმანური მოპყრობის ბრალდებით წარდგება.
2019 წლის ივლისში აგორდა სკანდალი გემ Gregoretti-ს გამო, რომლის ბორტზე 130-მდე მიგრანტი იმყოფებოდა. იტალიის ხელისუფლებამ მხოლოდ რამდენიმე მათგანს დართო ნაპირზე გადმოსვლის ნება, მათ შორის ორსულ ქალებს ოჯახებით, აგრეთვე, 15 არასრულწლოვანს.
გემზე დარჩენილი ლტოლვილები იძულებულნი იყვნენ, რამდენიმე დღის განმავლობაში “კატასტროფული პირობებისთვის” გაეძლოთ.
