Home ახალი ამბები საქართველო კრამერისა და რასმუსენის მსგავსი პროვოკატორი კიდევ ბევრი გამოჩნდება

კრამერისა და რასმუსენის მსგავსი პროვოკატორი კიდევ ბევრი გამოჩნდება

ცხინვალი და სოხუმი თუ დავთმეთ, ნატოში რაღა ჯანდაბა გვინდა?!

1778
ინაშვილი-კრამერი

10 სექტემბერს ქართველებისთვის ორი ძალიან საყურადღებო რამ მოხდა, ორივე თბილისში მიმდინარე საერთაშორისო კონფერენციაზე.

ჯერ იყო და, ნატოს ყოფილმა გენერალურმა მდივანმა ანდერს ფონ რასმუსენმა ხმამაღლა გვითხრა ის, რასაც ნატოელი და ევროპელი მაღალჩინოსნები, წლებია, ჩუმად ეუბნებოდნენ ხელისუფლებას. აი რა თქვა რასმუსენმა: “ვფიქრობ, თქვენ უნდა დაიწყოთ დისკუსიები, მისაღები იქნება თუ არა საქართველოსთვის, შეუერთდეს ნატოს აფხაზეთისა და სამხრეთ ოსეთის გარეშე”. საქართველოზემზრუნველმარასმუსენმა, რომელსაც შემდეგ კვერი დაუკრა მეხუთე კოლონამ _ გიგა ბოკერიამ, “ევროპული საქართველოსწევრმა ოთარ კახაძემ, თინა ხიდაშელმა და სხვებმა, შემოგვთავაზა, რომ დავთმოთ აფხაზეთი და სამაჩაბლო იმისთვის, რომ შევიდეთ ნატოში. თუ ტერიტორიებს სამუდამოდ დავკარგავთ, თანაც ჩვენივე ნებით, რა ჯანდაბა გვინდა ნატოში, რისთვის უნდა შევიდეთ იქ?!

რასმუსენი

მეორე აღმაშფოთებელი შემთხვევაც ზემოაღნიშნულ კონფერენციაზე მოხდა, როდესაც იქ “პატრიოტთა ალიანსის” ლიდერი ირმა ინაშვილი მივიდა და სიტყვით გამოსვლა მოითხოვა, რათა მისი ორგანიზაციის მიმართ “ევროპული საქართველოს” ლიდერ გიგა ბოკერიას მიერ გამოთქმულ ბრალდებებზე პასუხი გაეცა, მაგრამ ამ ღონისძიების ორგანიზატორმა, “ფრიდომ ჰაუსის” ყოფილმა დირექტორმა და მაკკეინის ინსტიტუტის ადამიანის უფლებების დაცვის მიმართულების დირექტორმა დევიდ კრამერმა მას სიტყვით გამოსვლის უფლება არ მისცა. კრამერს მხარი დაუჭირა ამერიკელების კიდევ ერთმა მარიონეტმა, ლიეტუვას დეპუტატმა ზიგმანტას პავილიონისმა, რომელმაც ინაშვილს ასე მიმართა: ვფიქრობ, რომ ბოკერია თქვენი საუკეთესო მეგობარია. მოგიწევთ მისი შეყვარება. თქვენ უნდა დარჩეთ ბოკერიასთან, სანამ ნატოში არ შეხვალთ, და შემდეგ შეგიძლიათ იჩხუბოთ”.

მოამზადა გიორგი გაჩეჩილაძემ

LEAVE A REPLY

Please enter your comment!
Please enter your name here