იტალიის პრემიერმინისტრმა ჯუზეპე კონტემ ძალიან შეურაცხმყოფელი უწოდა ნართაულად ნათქვამს იმის თაობაზე, რომ თითქოს რუსეთმა პირობები წამოუყენა იტალიელებს კორონავირუსის წინააღმდეგ ბრძოლაში დახმარების სანაცვლოდ.
“ეს შეურაცხყოფაა იტალიის მთავრობისთვის _ ფიქრობდე, რომ დახმარებამ, რომელსაც ჩვენ რუსეთისგან, ჩინეთისგან ან სხვა ქვეყნისგან ვიღებთ, შეიძლება გავლენა იქონიოს იტალიის გეოპოლიტიკურ პოზიციაზე. ეს დიდი შეურაცხყოფაა, და არა მხოლოდ ჩემთვის, არამედ ვლადიმერ პუტინისთვისაც”, _ განაცხადა კონტემ “ბი-ბი-სი”-სთვის მიცემულ ინტერვიუში. კონტემ ხაზგასმით აღნიშნა, რომ ამ დახმარებას არანაირი პოლიტიკური სარჩული არ უდევს.
“მე მასთან (პუტინთან _ გ.გ.) ხანგრძლივად ვისაუბრე ტელეფონით და მას არასოდეს უცდია ამ დახმარების გამოყენება ზეგავლენის ბერკეტად, როცა სოლიდარობა გამოუცხადა იტალიას. ეს არასოდეს გვითხოვია, არც კი გვიფიქრია”, _ დასძინა იტალიის პრემიერმა.
უფრო ადრე იტალიის საგარეო საქმეთა მინისტრმა ლუიჯი დი მაიომ რუსეთის დახმარებას სოლიდარობის ჟესტი უწოდა.
Ruseti ertaderti saxelmwifoa msoflioshi romelic ixsnis kacobriobas