ისრაელის პოლიცია შეისწავლის 16 წლის გოგონას ჯგუფური გაუპატიურების საქმეს. Times of Israel–ი აზუსტებს, რომ დანაშაული, რომელშიც 30 მამაკაცი მონაწილეობდა, ერთ–ერთ სასტუმროშია ჩადენილი. გოგონა მეგობრებთან ერთად ისვენებდა ამ სასტუმროში. ახალგაზრდებმა დაინახეს, რომ ამ გოგონას ნომრის კართან მამაკაცების რიგი იდგა, მაგრამ ამისთვის ყურადღება არ მიუქცევიათ.
დაკავებულები ამტკიცებენ, რომ სექსუალური კონტაქტები ორმხრივი თანხმობით განხორციელდა. დაზარალებულის განცხადებით, მას არ შეეძლო მოძალადეების შეჩერება.
ამ შემთხვევამ ისრაელის საზოგადოებრიობის ყურადღება მიიპყრო. ქვეყნის პრემიერმინისტრმა ბენიამინ ნეთანიაჰუმ განაცხადა, რომ მოზარდი გოგონას ჯგუფური გაუპატიურება “კაცობრიობის წინააღმდეგ ჩადენილი დანაშაულია” და ბოროტმოქმედნი უმკაცრესად უნდა დაისაჯონ.
