“თვალს ნუ მარიდებ, არ გაბედო რუსეთის შეურაცხყოფა”- გაეროში რუსმა ბრიტანელი “მოსვა” ადგილზე

გაეროს სხდომაზე, რუსეთის მუდმივი წარმომადგენლის მოადგილემ, ვლადიმირ საფრონკოვმა, გაეროში დიდი ბრიტანეთის მუდმივი წარმომადგენლის მეთიუ რაიკროფტის ბრალდებებს მკაცრი გამონათქვამებით უპასუხა.

რაიკროფტმა რუსეთს მოუწოდა ზემოქმედება მოახდინოს ბაშარ ასადზე. თავის განცხადებაში მან განაცხადა, რომ რუსეთი ვეტოს უფლებას ბოროტად იყენებს და ასადის რეჟიმს მხარს უჭერს, ამასთან ერთად კი ქიმიური იარაღის გამოყენებასაც მათი მხრიდან, რითაც მისი თქმით „მოსკოვმა ნდობა დაკარგა“.

საფრონკოვმა ბრიტანელ კოლეგას ასეთი სიტყვებით მიმართა:

„თქვენ შეგეშინდათ, ძილი დაკარგეთ, რომ ჩვენ ამერიკელებთან ვითანამშრომლებდით, სწორედ ამან შეგაშინათ! ყველაფერს აკეთებთ, რომ ჩვენი ურთიერთობები გააფუჭოთ, ჩაშალოთ! თვალებში მიყურე და ნუ მარიდებ თვალს.

ბატონო რაიკროფტ, თქვენ დღეს არ დაიცავით დღის განრიგი და სულ სხვა თემაზე ისაუბრეთ, კერძოდ შეურაცხყოფა მიაყენეთ სირიას, ირანს, თურქეთს, სხვა სახელმწიფოებს. მეტი აღარ გაბედოთ რუსეთის შეურაცხყოფა.“

წყარო:  https://ria.ru/world/20170412/1492116042.html

კონსტანტინე ჩიკვილაძე