ვენესუელის პრეზიდენტი ნიკოლას მადურო რიგგარეშე საპარლამენტო არჩევნების ჩატარების წინადადებით გამოვიდა. “ბი–ბი–სი”-ს ცნობით, მას არჩევნების ზუსტი თარიღი ჯერ არ დაუსახელებია.
ვენესუელის კონგრესის არჩევნები 2020 წლისთვის იყო დაგეგმილი, მაგრამ ქვეყანაში შექმნილი ვითარების გამო, პრეზიდენტმა აღნიშნული გადაწყვეტილება მიიღო. ამჟამად ეროვნულ ასამბლეას ოპოზიციის ლიდერი ხუან გუაიდო ხელმძღვანელობს, რომელიც თავს დროებით პრეზიდენტად მიიჩნევს. იგი ქვეყნის პრეზიდენტად აშშ-მა და დასავლური ქვეყნების უმრავლესობამ აღიარა. უკვე რამდენიმე თვეა, ხუან გუაიდო და მოსახლეობის დიდი ნაწილი პრეზიდენტ ნიკოლას მადუროს გადადგომას მოითხოვენ, თუმცა მადურო უარს აცხადებს. მას რუსეთის, კუბისა და ჩინეთის მხარდაჭერა აქვს.
