საფრანგეთში, ქალაქ პუატიეში გარდაცვლილი საქართველოს მოქალაქის ცხედარს ექსპერტიზა უტარდება, – ამის შესახებ საფრანგეთში საქართველოს ელჩმა ეკა სირაძე-დელონემ განაცხადა.
ელჩი მკვლელობას გამორიცხავს და ვარაუდობს, რომ ის ბუნებრივი სიკვდილით გარდაიცვალა, თუმცა აცხადებს, რომ რეალური მიზეზი ექსპერტიზის შემდეგ დადგინდება.
50 წლის ქართველის გარდაცვალების შესახებ ინფორმაცია დღეს ფრანგულმა პრესამ პოლიციაზე დაყრდნობით გაავრცელა. სამართალდამცველთა მონაცემებით, გარდაცვლილი უსახლკარო იყო და ღამეებს საკუთარ ავტომობილში ათევდა, სადაც დღეს დილით გარდაცვლილი აღმოაჩინეს.
