ნიუ-იორკის ტყუპ კოშკებზე თავდასხმის შემდეგ აშშ-მა მსოფლიო ომების საწარმოებლად 4,3 ტრილიონი დოლარი დახარჯა. ამ დასკვნამდე მივიდნენ უნივერსიტეტ ბრაუნის უოთსონის სახელობის საერთაშორისო კვლევების ინსტიტუტის ავტორები.
დოკუმენტში აღნიშნულია, რომ ამჟამად მიმდინარე კონფლიქტების გაგრძელების შემთხვევაში 2018 წლის ბოლოსთვის აშშ-ს 5,6 ტრილიონი დოლარის დახარჯვა მოუწევს. ამასთანავე, ტრილიონ დოლარამდე დაუჯდება ომების მონაწილეთა მკურნალობისთვის ნაკისრი ვალდებულების შესრულება.
ბოლო 16 წლის განმავლობაში თითოეულმა ამერიკელმა აშშ-ის საზღვრებს მიღმა წარმოებული ომებისთვის 23 368 დოლარი გაიღო.
მოხსენების ავტორები აღნიშნავენ, რომ პენტაგონის მიერ ამავე მიზნებისთვის დახარჯული თანხის რაოდენობა გაცილებით მოკრძალებულია. თავდაცვის სამინისტროს მონაცემებით, 11 სექტემბრის შემდეგ აშშ-მა ომების საწარმოებლად დახარჯა მხოლოდ 1,52 ტრილიონი დოლარი, მაშასადამე, თითოეულ ამერიკელს ეს ომები საშუალოდ 7 340 დოლარი დაუჯდა.
8 ნოემბერს აშშ-ის კონგრესმა შეათანხმა 2018 წლის სამხედრო ხარჯები, 700 მილიარლი დოლარის ოდენობით, მათ შორის, 4,6 მილიარდი გათვალისწინებულია ევროპაში რუსეთის “შესაკავებლად”.
