გაზეთი „საქართველო და მსოფლიო“ მიესალმება ხელისუფლების ინიციატივას ჯანსაღი ცხოვრების წესის პოპულარიზაციისათვის კამპანიის დაწყების შესახებ. ჩვენი მკითხველების სახელით გამოვდივართ ინიციატივით, „ბასიანი“–ს შენობას აღვუდგინოთ თავდაპირველი ფუნქცია და ის ვაქციოთ იმ პირველ ჯანმრთელობის კერად, რომელიც მთავრობის ამ ინიციატივის ფარგლებში შეიქმნება. მიგვაჩნია, რომ „ლაღიძის წყლების“ ფართის გამოსყიდვის სურვილის შემდეგ ეს იქნება ნაბიჯი, რომელიც ხაზს გაუსვამს საქართველოს დღევანდელი ხელისუფლების პატრიოტულ ხასიათს და დაგვანახებს, რომ მთავრობა ლოზუნგების გენერირების გარდა მათ პრაქტიკულ რეალიზებაზეც გადავიდა.
