ყოველწლიურად რამდენი ერთეული სასროლი იარაღი იკარგება. პროკურატურა იძიებს, ავტომატებისა და პისტოლეტების ქურდობა ტერორიზმში ეჭვმიტანილ ოფიცერს ფრანკო ა.-ს საქმესთან ხომ არ არის დაკავშირებული.
უკანასკნელ წლებში ბუნდესვერში იმაზე მეტი იარაღი დაიკარგა, რაც აქამდე იყო ცნობილი. ამაზე წერდა ჟურნალი “დერ შპიგელი” ა.წ. 20 მაისს. პუბლიკაცია ეფუძნებოდა გერმანიის თავდაცვის სამინისტროს დოკუმენტს. ირკვევა, რომ 2015 წლის სასწავლო სროლების შემდეგ გერმანიის არმიაში დაიკარგა სამი ავტომატი G35, ორი ავტომატური თოფი G3 და ერთი პისტოლეტი P8; ერთი წლით ადრე _ ორი G36, ერთი P8 და სამი სასიგნალო პისტოლეტი. ორი ავტომატი, პისტოლეტი P8 და ერთი სასიგნალო პისტოლეტი მუნსტერის პოლიგონზე ჯავშანტრანსპორტიორიდან მოიპარეს.
