ბრაზილიის საპრეზიდენტო არჩევნების მეორე ტურში ულტრამემარჯვენე კანდიდატმა ჟაირ ბოლსონარუმ გაიმარჯვა.
ქვეყნის უმაღლესი საარჩევნო სასამართლოს ინფორმაციით, ბიულეტენების 94,44%-ის დათვლის შემდეგ ბოლსონარუმ ხმების 55,54% მიიღო, მისმა ოპონენტმა, მემარცხენე “მშრომელთა პარტიის” წარმომადგენელმა ფერნანდუ ადადმა _ 44,46%.
ახალი პრეზიდენტის ინაუგურაცია 2019 წლის 1 იანვარს გაიმართება, ის თანამდებობაზე 4 წლით აირჩიეს.
