ტეხასის შტატში მცხოვრებ ერაყელ ცოლ-ქმარს 16 წლის ქალიშვილზე ძალადობრივი ზემოქმედების ბრალდება წაუყენეს.
დადგინდა, რომ ალ-ხიშმავი ჯერ კიდევ 15 წლისა განიცდიდა ფიზიკურ ზემოქმედებას ოჯახის წევრების მხრიდან. დედ-მამა მას იატაკის საწმენდი ჯოხით სცემდა, ასხამდა ცხელ ზეთს, ახრჩობდა, რადგან გოგონა უარს ამბობდა იმ კაცის ცოლობაზე, რომელიც არ უყვარდა და რომელმაც მის მშობლებს 20 ათასი დოლარი გადაუხადა, ანუ ქალიშვილი მშობლებისგან 20 ათასად იყიდა.
ალ-ხიშმავი შინიდან გაიქცა და, როცა პოლიციამ მიაგნო, გოგონამ დაუფარავად უამბო სამართალდამცავებს თავისი თავგადასავალი. მშობლები დააპატიმრეს, მაგრამ 30 ათასი დოლარის გირაოს სანაცვლოდ გაათავისუფლეს, ბრალდებას მათ დღე-დღეზე წაუყენებენ.
