რუსეთის საგარეო საქმეთა მინისტრის მოვალეობის შემსრულებელმა სერგეი ლავროვმა განაცხადა, რომ ამერიკის შეერთებული შტატები, სადაც განლაგებულია გაეროს შტაბ–ბინა, ბოროტად სარგებლობს ამ პრივილეგიით და ვიზებს არ აძლევს მისთვის არასასურველი ქვეყნების დიპლომატებს. “საერთაშორისო სამართლის ნორმების დარღვევით აშშ უარს ეუბნება მისთვის არასასურველი ქვეყნების წარმომადგენლებს ვიზებზე და ამით მათ ართმევს გაეროს ღონისძიებებში მონაწილეობის შესაძლებლობას”, _ აღნიშნა ლავროვმა საგარეო საქმეთა სამინისტროს 2019 წლის მუშაობის გაანალიზებისას.
