სამხედრო ძალებმა კოალიციისა, რომელსაც აშშ მეთაურობს, დეირ–ეზ–ზორის პროვინციაში განლაგებული სირიის სამთავრობო არმიის პოზიციები დაბომბეს, _ იუწყება სააგენტო SANA.
“ჩვენი რამდენიმე პოზიცია ქალაქ ალ-ბუკამალის მახლობლად კოალიციის ჯარებმა დაბომბეს”, _ განუცხადა სააგენტოს სამხედრო წყარომ. მსხვერპლი არ არის. დარტყმა განხორციელდა ერთი დღე-ღამის შემდეგ, როცა “ბოევიკები” თავს დაესხნენ სირიელ სამხედროებს იმავე რაიონში.
Reuters-ის ცნობით, შეტევა განხორციელდა ერაყის საზღვრიდან 100 კილომეტრის დაშორებით. პენტაგონმა ეს ინფორმაცია უარყო.
მაისის დასაწყისში ამერიკელმა სამხედროებმა გაავრცელეს ცნობა, რომ დააკავეს “ისლამური სახელმწიფოს” 5 ლიდერი _ ოთხი ერაყელი და ერთი სირიელი, რომლებიც დეირ-ეზ-ზორზე იყვნენ პასუხისმგებლები. ცნობის მიხედვით, ასეთი იყო ამერიკისა და ერაყის სამხედრო ძალების ერთობლივი სამთვიანი ოპერაციის შედეგები.
ტერორისტული დაჯგუფებებისგან ქალაქი გათავისუფლდა 2017 წლის ნოემბერში. ბლოკადა სამ წელიწადზე მეტს გრძელდებოდა.
