გერმანიის კანცლერმა ანგელა მერკელმა თებერვალში უარი განუცხადა აშშ–ის ვიცეპრეზიდენტ მაიკ პენსს ქერჩის სრუტეში გერმანიის სამხედრო გემების გაგზავნაზე, _ იუწყება საინფორმაციო სააგენტო “ბლუმბერგი”.
“ბლუმბერგის” ინფორმაციით, 16 თებერვალს მიუნხენის უსაფრთხოების კონფერენციაზე მაიკ პენსმა ანგელა მერკელს შესთავაზა სამხედრო გემები გაეგზავნა ქერჩის სრუტეს გავლით. როგორც “ბლუმბერგი” აღნიშნავს, გერმანიის კანცლერმა უარი თქვა მაიკ პენსის ამ შეთავაზებაზე. აღნიშნული ინიციატივა, აგრეთვე, არ გაიზიარა საფრანგეთის ხელმძღვანელობამ.
ანგელა მერკელი შეშფოთებული იყო მაიკ პენსის განცხადებებით, რომელიც ცდილობდა, ევროკავშირის წევრი ქვეყნები დაერწმუნებინა, რომ უარი ეთქვათ “ჩრდილოეთ ნაკადი-2”-ის მშენებლობაზე.
