ცნობილმა ამერიკელმა ეკონომისტმა, კონსალტინგური (საკონსულტაციო) კომპანია Dent Research–ის დამფუძნებელმა და პრეზიდენტმა, აგრეთვე, HS Dent Publishing–ის დირექტორმა და გამოცემა Economy and Markets–ის რედაქტორმა ჰარი დენტმა განაცხადა, რომ 2012 წელს მსოფლიოს თავს დაატყდება ბოლო ასწლეულებში ყველაზე მძიმე ფინანსური კრიზისი, _ წერს პორტალი Business insider–ი.
დენტის აზრით, ეს იქნება ბაზრების ყველაზე ცუდი ჩამოშლა ამ საუკუნეში. მისი პროგნოზი ეფუძნება ბაზრების ხანგრძლივ შესწავლას და მათში წარმოქმნილ ე.წ. ბუშტებს.
“ბოლო გლობალური ბუშტი იყო 1925-1929 წლებში. მსგავსი კრიზისები ხდება ერთხელ ორი თაობის განმავლობაში და მას 90-წლიანი ციკლი აქვს. ჩვენ ზუსტად ამ წერტილში ვიმყოფებით”, _ აღნიშნა დენტმა და დასძინა, რომ 2021 წლის დასაწყისში ეკონომიკის დაქვეითება გარდაუვალია.
დენტს ბევრი ექსპერტი ეთანხმება.
topcor.ru–ზე გამოქვეყნებული მასალის მიხედვით მოამზადა გიორგი გაჩეჩილაძემ
