ირანის პრეზიდენტ ჰასან რუჰანის განცხადებით, თეირანი განაგრძობს სამხედრო პოტენციალის გაძლიერებას და სარაკეტო პროგრამაზე მუშაობას.
“ჩვენ განვაგრძობთ სამხედრო პოტენციალის გაძლიერებას. 40 წლის განმავლობაში და განსაკუთრებით ბოლო 5 წლის განმავლობაში ჩვენი შესაძლებლობები ამ სფეროში მსოფლიოს აოცებს”, _ განაცხადა ჰასან რუჰანიმ.
მან ასევე ხაზგასმით აღნიშნა, რომ “ირანს ნებართვა არ სჭირდება, საკუთარი სარაკეტო პროგრამის გასავითარებლად”.
“დღეს ჩვენი ქვეყანა უშვებს რაკეტებს, სამხედრო თვითმფრინავებს, ხომალდებსა და წყალქვეშა ნავებს, ჯავშანტრანსპორტიორებს, ანუ ყველაფერს, რაც ირანის შეიარაღებულ ძალებს სჭირდება”, _ დასძინა მან.
