რუსეთის საგარეო საქმეთა მინისტრი სერგეი ლავროვი ხანმოკლე ვიზიტებით ბაქოსა და ერევანს 19-20 ნოემბერს ეწვევა.
ამის შესახებ სომხური ინტერნეტგამოცემა TART.AM წერს.
სომხური გამოცემის წყაროების ინფორმაციით, რეგიონული ტურნეს ფარგლებში ლავროვი ყარაბახის კონფლიქტის საკითხებს განიხილავს.
სომხეთსა და აზერბაიჯანს შორის ყარაბახის ავტონომიის ირგვლივ კონფლიქტი ჯერ კიდევ საბჭოთა კავშირის დროს, 1988 წელს დაიწყო. კონფლიქტი დღემდე გრძელდება. ოფიციალური მონაცემებით, სომხეთს აზერბაიჯანის ტერიტორიის 20% აქვს დაკავებული.
