პროდუქტები, რომლებსაც ვყიდით და ვყიდულობთ რუსეთში

2020 წლის იანვარ–ოქტომბერში საქართველოში საქონლით საგარეო სავაჭრო ბრუნვამ 9 159 500 000 დოლარი შეადგინა, რაც წინა წლის შესაბამის პერიოდთან შედარებით 15 პროცენტით ნაკლებია.

სტატისტიკის ეროვნული სამსახურის მონაცემებით, საანგარიშო პერიოდში რუსეთში პროდუქციის ექსპორტი 8,4%-ით, ხოლო იმპორტი 14,2%-ით შემცირდა.

საქართველოდან რუსეთში ექსპორტირებული უმსხვილესი სასაქონლო ჯგუფები:

* ყურძნის ნატურალური ღვინოები _ 95 106 200 დოლარი;

* ფეროშენადნობები _ 92 136 100 დოლარი;

* მინერალური და მტკნარი წყლები _ 33 661 200 დოლარი;

* სპირტიანი სასმელები _ 25 258 600 დოლარი;

* ახალი გარგარი, ალუბალი და ბალი, ატამი, ქლიავი და ღოღნოშო _ 19 936 100 დოლარი.

რუსეთიდან საქართველოში იმპორტირებული უმსხვილესი სასაქონლო ჯგუფები:

* ნავთობი და ნავთობპროდუქტები _ 107 859 600 დოლარი;

* ხორბალი _ 88 258 200 დოლარი;

* ნავთობის აირები და აირისებრი ნახშირწყალბადები _29 976 800 დოლარი;

* მზესუმზირის ზეთი _ 27 109 900 დოლარი;

* ტელეფონის აპარატები _ 24 050 100 დოლარი.

bpn.ge