ეროვნულ–დემოკრატიული (NDI) და CRRC–საქართველოს კვლევის ინსტიტუტების შეფასების ნაწილში საქართველოს მართლმადიდებელი ეკლესია ლიდერობს. მის საქმიანობას ძალიან კარგად აფასებს გამოკითხულთა 20%, კარგად_ 41%, ცუდად კი _ 21%.
მეორე ადგილზეა იუსტიციის სახლები. რესპონდენტთა 12% მათ საქმიანობას ძალიან კარგად აფასებს, კარგად _ 47%, ცუდად კი _ 27%.
საქართველოს ჯარს ძალიან კარგად აფასებს გამოკითხულთა 8%, კარგად _ 47%, ცუდად კი _ 26 %.
რაც შეეხება პოლიციას, გამოკითხულთა 6% მის საქმიანობას ძალიან კარგად აფასებს, 42% _ კარგად, 34% _ საშუალოდ, 2% _ ცუდად.
მთავარი პროკურატურის საქმიანობას რესპონდენტთა 1% ძალიან კარგად აფასებს, 13% _ კარგად, 33% _ საშუალოდ, 21% _ ცუდად.
რაც შეეხება პარლამენტს, გამოკითხულთა 1% მიიჩნევს, რომ საქართველოს პარლამენტის საქმიანობა ძალიან კარგია, 11% საკანონმდებლო ორგანოს საქმიანობას კარგად აფასებს, 40% _ საშუალოდ, 31% _ ცუდად, 9% კი _ ძალიან ცუდად.
კვლევა ჩატარდა 28 მარტი-15 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით). კვლევის შედეგების საშუალო ცდომილების ზღვარი +/- 2,3 %-ია.
