ესტონეთისა და რუსეთის პრეზიდენტებმა შეხვედრისას საქართველოზეც ისაუბრეს. ამის შესახებ ესტონეთის პრეზიდენტმა კერსტი კალიულაიდიმ გამოცემა “კომერსანტთან” ინტერვიუში განაცხადა.
“მე ვლადიმერ პუტინთან შეხვედრაზე ღია გულით მოვედი. ამას გულწრფელად ვამბობ. ვიგრძენი, რომ ეს ორმხრივი იყო. თუნდაც საუბრის იმ ნაწილში, რომელიც უკრაინას, საქართველოსა და სხვა საკითხებს ეხებოდა, რომელზეც ჩვენ თანხმობა არ გვაქვს”, _ განაცხადა ესტონეთის პრეზიდენტმა.
ჟურნალისტის კითხვაზე, საქართველოს შესახებ რაზე ისაუბრეს, კერსტი კალიულაიდმა უპასუხა: “საქართველოში ახალი პრეზიდენტია და განვიხილეთ, თუ რისი გაკეთება შეიძლება”.
